|
|
|
|
|
|
Stordal utklassa Aksla 6-1 |
|
|
|
|
Skrive av John Øie
|
|
onsdag 21. april 2010 |
 Fire mann på scoringslista mot Aksla. Stordal har fått ei pangåpning på serien, med full pott etter to kampar. Kampen mot Aksla var på førehand sett på som vrien, men etter 90 minutt stod det 6-1 til gultrøyene. Robin Aasen teikna seg for tre av måla (alle etter pause). I tillegg kom Kenneth Søvik og brødrene Petter Aksel og Andreas Kirkebøe på scoringslista.
5.divisjon
Stordal - Aksla 6 - 1 (2 - 0)
Kirkebø stadion, kgb
50 tilskodarar
Mål:
1 - 0 (25) Kenneth Søvik
2 - 0 (31) Petter Aksel Kirkebøe
3 - 0 (51) Robin Aasen
3 - 1 (61) Kristoffer Sperre
4 - 1 (62) Robin Aasen
5 - 1 (84) Andreas Kirkebøe
6 - 1 (89) Robin Aasen, straffe
Dommar: Magne Tøsse, Stordal
Gult kort: 2 til Aksla
Stordal: Knut Håheim, Sondre Nygård Øvrebust, Kenneth Skrede, Andreas Kirkebøe, Hans Martin Homlong, Thomas Kirkebøe, Geir Marius Øie, Robin Aasen, Eirik Nakken Nilsen, Kenneth Søvik, Petter Aksel Kirkebøe
Også nytta: Adrian Nakken (frå 19.), Jørgen Tøsse (frå 27.), Alexander Oudijk (frå 46.), Ola Grønningsæter (frå 74.)
 Robin
Thomas
Hans Martin
Pre
24 timar før avspark hang seriekampen Stordal-Aksla i ein syltynn tråd, då det låg 15 cm med nysnø på kunstgraset. Ein iherdig "ryddeaksjon" tirsdag kveld sørga for at bana blei speleklar til onsdag.
Men, rett før avspark dukka det opp endå eit problem, då den oppsette dommaren ikkje møtte.
 Magne Tøsse frå Tippeliga til 5.divisjon - på rekordtid!. Steppa inn på kort varsel og redda seriekampen Stordal-Aksla
Heldigvis lukkast arrangøren i å finne ein erstattar på rekordtid. Bygdas eigen FIFA-dommar Magne Tøsse steppa inn - og sørga for at 5.divisjonskampen kunne gå som planlagt.
Forventningar
Stordal 2010: Bak frå venstre: Alexander Oudijk, Jørgen Tøsse, Andreas Kirkebøe, Eirik Nakken Nilsen, Geir Marius Øie, Hans Martin Homlong, Kenneth Skrede, Kenneth Søvik, Petter Aksel Kirkebøe og Stig Johansen, Framme frå venstre: Ola Grønningsæter, Robin Aasen, Adrian Nakken, Knut Håheim, Thomas Kirkebøe og Sondre Nygård Øvrebust.
Det var eit forventningsfullt publikum som trossa survèret og møtte fram for å sjå to unge og lovande lag måle krefter etter ein lang vinter.
Stordal tok raskt initiativet i banespelet, og kunne gå til pause med ein fortent 2-0 ledelse. Heimelaget var alltid farlege når det blei rulla opp angrep på høgresida (les Thomas). På tre av dei seks scoringane var det nemleg innlegg frå "Totto" som var resepten - "ferdigscora" innlegg!
Kenneth hamra inn den første, frå kloss hald. Robin følgde opp med nr. 2 tidleg i andre omgang, og sette inn sitt andre for kvelden minuttet etter Aksla si redusering.
Petter Aksel sette inn 2-0 då han avslutta med "godfoten" frå 16-meter. Frå svært kvass vinkel sette Andreas inn ball nr. 5 - direkte frå frispark. Robin fullførte sit hat trick i siste speleminutt, då han sette inn eit straffespark.
Kristoffer Sperre tende eit lite håp for Aksla då han gjorde 1-3. Men, Aksla var langt unna poeng denne kvelden, sjølv om raudtrøyene kom til fleire sjansar mot slutten.
Stig fornøgd
Stig Johansen leda Stordal i sin første heimekamp, og var sjølvsagt ein glad og letta mann etterpå.
- Synes det gjekk ganske bra. Vi leverer ein veldig fin førsteomgang. Litt meir "rufsete" spel etter pause, men vi er effektive.
Og legg til: - Vi har berre seks treningar ute på kunstgras hittil. Hadde vore rart om vi hadde hatt formtoppen no....
Stig Johansen er den nye trenaren til Stordal. Han har fått ei pangåpning på sesongen - med fullt hus etter to kampar.
Robin - den store
 Robin har putta fem mål på to kampar - alle sett i nota etter pause!
Lagkaptein Robin imponerte oss i kveld. I tillegg til å score 3 mål la han ned eit stort stykke arbeid sentralt på Stordal si midtbane.
Meget god var også Thomas. Årets store spelar på Stordal i fjor - og ein veldig god start framfor eige publikum no.
Både Andreas og Geir Marius "leverer". Det same gjer Hans Martin der bak. Vi var også imponert over Kenneth (Søvik). Ungguten har tydeligvis trent sidan i fjor haust...
No ventar vi spent på fortsettelsen...
Debutantar
Sidan i fjor har Stordal mista Raoul (tilbake til Ørskog) og Sindre (militæret). Nye i stallen er Knut Håheim (keeper, med fortid i bl.a Bergsøy), Ola Grønningsæter (Valldal) i tillegg til fleire juniorar frå egne rekkjer. Jørgen Tøsse (16) fekk sin A-lags debut i kveld, då han erstatta Eirik etter ein snau halvtime.
Powered by AkoComment! |
|
Sist oppdatert ( onsdag 21. april 2010 )
|
|
|
|
