|
5.div: Harøy grisebanka Hessa 8-1! |
|
|
|
|
Skrive av John Øie
|
|
onsdag 14. april 2010 |
Den første serierunden i 5.divisjon er ferdig. Harøy stod for rundens prestasjon, med heile 8-1 over nykommar Hessa. MSIL kom nærmast, med 7-1 på Giske. HaNo slo nabo Lepsøy 2-1 i øyderbyet i Haram. Ravn fekk med seg eitt poeng frå Emblem. Stordal returnerte med 3-2 frå Brattvåg. Tirsdag vann Aksla 4-1 over Stranda 2.
5.divisjon
Brattvåg 2 - Stordal 2 - 3 (2 - 1)
Stordal løfta seg etter pause, og fekk med seg alle poenga i åpninga. Thomas Kirkebøe sende Stordal i ledelsen snaut midtvegs i første omgang. Brattvåg 2 utlikna 10 minutt seinare, og ordna 2-1 ledelse rett før pause. I andre omgang snudde Robin Aasen resultatet for Stordal, med to mål (ein på straffe) på 10 minutt. For Brattvåg var det Ole Marius Otterlei og Werner Ellingseter som scora.
Emblem - Ravn 1 - 1 (0 - 1)
Jan Magne Sollibakke berga uavgjort for Emblem, då han fann vegen til nettet to minutt før slutt. Eivind Ulla ga Ravn ledelsen på straffespark, rett før pause.
Giske - MSIL 1 - 7 (0 - 4)
Klar seier til MSIL på Giskegraset. 3 mål av Stian Gunnar Hellevik, 2 mål av Kristian Bunes og eitt på Marius B Brækkan. MSIL brukte ein halv omgang på å gå opp i 4-0. Giske reduserte til 1-5 på straffespark, midtvegs i andre omgang..
HaNo - Lepsøy 2 - 1 (0 - 1)
HaNo avgjorde denne kampen sju minutt før slutt, då Stig Frode Longva sette inn seiersmålet. Veteranen Kenneth Ulla stod for utlikninga til 1-1, etter at Johan Klokk Kjerstad hadde fiksa pauseledelse til dei raudkledde frå Lepsøy.
Harøy - Hessa 8 - 1 (1 - 1)
3 mål av Stian Harnes og eitt mål av Thomas Steinshamn. Resten av scoringane til dei mørkeblå var sjølmål!
Heimelaget tok ein tidleg ledelse, før Hessa brakte balanse. I andre omgang pangåpna Harøy på ny, og gjekk kjapt opp i 3-1. Hessa fekk også utvist ein spelar tidleg i omgangen - og rakna fullstendig på¨slutten.
Aksla - Stranda 2 4 - 1 (1 - 0)
Aksla fekk ein fin start på sesongen, då Stranda 2 måtte returnere med 1-4 tirsdag kveld. Bernt Rongve sørga for pauseledelse etter eit gjennomspel.
I andre omgang auka Andreas Ringstad til 2-0, før gjestane reduserte, ved Tarjei Lund Tafjord. På tampen trygga Aksla seieren etter mål av Kristoffer Sperre og Andreas Ringstad.
PS!
Legg gjerne igjen kommentarar med målscorarar etc.
Powered by AkoComment! |
|
Sist oppdatert ( fredag 16. april 2010 )
|
